ويش ... مشكلتك4
ويش ... مشكلتك 4
ايش عليك يا لابس الافرول
كل هذا دوام ولا رايح السيب مول
تبحث عن الحسن والجمال والطول
تتصل بالمزيونه زينب
وتكلم الغالية رباب
وتسمع صوت الحلوة بتول
يا حلو افرولك الازرق
وجوتيك الاسود
وشعرك المحلوق
واللحية مصبوغة اسود
اكلمك .. ايه اكلمك .. ليه ما ترد
اكيد عندك مشكلة ولا عني ما كنت تصد
هات ما عندك ها يا ولد
قول شو عندك قول
وانا بالانصات مستعد
ولك جاهز بالحلول
ويش مشكلتي
مشكلتي اني اشتغل في القطاع الخاص
في النهار حمار مكدة بالمصنع
وبالليل اسوق الباص
وفوق هذا بعد عندي سلفية
والبنك يقص من راتبي فوق المية
وما يبقى لي من الراتب إلا ربع المية
يعني لازم اخترع فكرة هندية
مثل ابيع قيمات وبراتا
ومجانا أعطيهم مندية
او أجيب من بلاد برع خبرة صينية
احل فيها مشكلتي بطريقة فنية
لكن الظاهر لا راح تنفع الهندية
ولا تخدمني حتى الخبرة الصينية
الراتب مئة واربعين
لكن ..
من وين تشوفه العين
ولا حتى تلمسه اليدين
تقول شعر بنات وساح
لا عرفت قيمة تعبي وكدي
ولا عرفت والله العظيم ارتاح
مئة واربعين كلام لكن بالواقع ساح
وكيف يكفي هالراتب والغلا سفاح
أشتغل أكثر من 12 ساعة
والراحة ما بين نص ساعة وساعة
صاير جسمي كأني من بلاد المجاعة
ونحن ولله الحمد بلاد الكرم والطاعة
بلاد خيرها وفير وقلوبها متسامحة
لكن هذا وين كله
لا نعرف عنه شي غير نسمع عنه
يمكن هذا .. على حسب ماأظن اشاعة
بكمل كلامي لك
واقوله سواء لغيرك أو لك
قلت بتحل مشكلتي في خلال ساعة
لا راحة أعرف ارتاحها
زوجتي مخلهنا بحالها
في غرفة بجدرانها
تصارخ وتتضارب مع عيالها
لا اقدر اطلعها معاي او امشيها
وبتربية الأولاد ما قادر اساعدها
من ارجع من العمل
ما احب اشوفها ولا اسمعها
لو تعمل لي عمل
راجع لا فيني من الهمة .. شي
والنشاط ما فيني منه ...شي
ولا فيني من الرغبة ...شي
كل شي مختفي فيني
سادة نفسي عن كل شي
في كل ليلة قبل لا أنام
أقول يارب ساعدني وخذ بيدي
من اول السبت حتى الخميس
والجمعة ما تعني شي بالرقاد أخيس
لا اصحابنا نقدر نكلمهم
ولا اقاربنا نروح نزورهم
ولا اهلنا نحب نشوفهم
والجيران صرنا ما نعرفهم
وصلة الارحام انسى ...
قدام عيونا ولا احد يعرفهم
كل شي بحياتنا اعلن التفليس
حياة مملة فارغة
أيامها تمضي بسرعة هائلة
ما بيدنا نريد نعمل
ونحسن الوضع ونتفائل
لكن غيرنا أبد ما همه ...
خالي البر من الاحاسيس
نعم ما بيدنا
نريد ناكل لقمة عيشنا
ما نريد نكون شخص يائس تعيس
نخدم وطنا ... نعم
بالتفاني والعمل ...نعم
بالصبر والاجتهاد ... نعم
كله من اجل الوطن ...والنعم
لكن نحن بشر
حالنا من حال باقي البشر
لنا حق الراحة والسعادة
لنا حق الصلاة والعبادة
لنا حق العيش بعيد عن خط الفقر
ما غير شوي
ونصير فقراء نمد اليد
ونفرش على ابواب المساجد حِصر
والعين تبكي حزن ونصبح مشاهد وعبر
وين حقنا ... يا شعبنا
وين حقنا ...يا وطننا
وين حقنا ...يا سلطاننا
وين حقنا ...يا مجتمعنا
وين عمرنا ... غاب بملح البصر
ما تركنا لأولادنا شي غير الديون
لا راتب محترم يطلع لهم ولاهم يحزنون
ولا ارض صغيرة لهم تبقى سند عبر السنين
زدناهم في البلاوي بلية
لا نفع راتب ولا حتى دخول الجمعية
وتقول بتحل مشكلتي يالله قول
علامك ساخ فاتح فمك ومذهول
هات ما عندك وحت يا ابو الحلول
شكله انصدم ...
وصار ابكم
ولا عاد يتكلم
هذا اللي جاي يقول
ويش مشكلتك يا راعي الافرول
يعني لو كنت بمكاني
شو راح تقول
اتوقع انك من أول يوم تشتغل بالقطاع الخاص
على طول وسييدة إلى القبر مشلول!!
( حرف )
ولازلنا نتبع المشاكل ونتبعها على طول
ويش مشكلتك 5 قريبا ... ولن تطول !!
... من رجل !!
www.asheqalsamra.net
ايش عليك يا لابس الافرول
كل هذا دوام ولا رايح السيب مول
تبحث عن الحسن والجمال والطول
تتصل بالمزيونه زينب
وتكلم الغالية رباب
وتسمع صوت الحلوة بتول
يا حلو افرولك الازرق
وجوتيك الاسود
وشعرك المحلوق
واللحية مصبوغة اسود
اكلمك .. ايه اكلمك .. ليه ما ترد
اكيد عندك مشكلة ولا عني ما كنت تصد
هات ما عندك ها يا ولد
قول شو عندك قول
وانا بالانصات مستعد
ولك جاهز بالحلول
ويش مشكلتي
مشكلتي اني اشتغل في القطاع الخاص
في النهار حمار مكدة بالمصنع
وبالليل اسوق الباص
وفوق هذا بعد عندي سلفية
والبنك يقص من راتبي فوق المية
وما يبقى لي من الراتب إلا ربع المية
يعني لازم اخترع فكرة هندية
مثل ابيع قيمات وبراتا
ومجانا أعطيهم مندية
او أجيب من بلاد برع خبرة صينية
احل فيها مشكلتي بطريقة فنية
لكن الظاهر لا راح تنفع الهندية
ولا تخدمني حتى الخبرة الصينية
الراتب مئة واربعين
لكن ..
من وين تشوفه العين
ولا حتى تلمسه اليدين
تقول شعر بنات وساح
لا عرفت قيمة تعبي وكدي
ولا عرفت والله العظيم ارتاح
مئة واربعين كلام لكن بالواقع ساح
وكيف يكفي هالراتب والغلا سفاح
أشتغل أكثر من 12 ساعة
والراحة ما بين نص ساعة وساعة
صاير جسمي كأني من بلاد المجاعة
ونحن ولله الحمد بلاد الكرم والطاعة
بلاد خيرها وفير وقلوبها متسامحة
لكن هذا وين كله
لا نعرف عنه شي غير نسمع عنه
يمكن هذا .. على حسب ماأظن اشاعة
بكمل كلامي لك
واقوله سواء لغيرك أو لك
قلت بتحل مشكلتي في خلال ساعة
لا راحة أعرف ارتاحها
زوجتي مخلهنا بحالها
في غرفة بجدرانها
تصارخ وتتضارب مع عيالها
لا اقدر اطلعها معاي او امشيها
وبتربية الأولاد ما قادر اساعدها
من ارجع من العمل
ما احب اشوفها ولا اسمعها
لو تعمل لي عمل
راجع لا فيني من الهمة .. شي
والنشاط ما فيني منه ...شي
ولا فيني من الرغبة ...شي
كل شي مختفي فيني
سادة نفسي عن كل شي
في كل ليلة قبل لا أنام
أقول يارب ساعدني وخذ بيدي
من اول السبت حتى الخميس
والجمعة ما تعني شي بالرقاد أخيس
لا اصحابنا نقدر نكلمهم
ولا اقاربنا نروح نزورهم
ولا اهلنا نحب نشوفهم
والجيران صرنا ما نعرفهم
وصلة الارحام انسى ...
قدام عيونا ولا احد يعرفهم
كل شي بحياتنا اعلن التفليس
حياة مملة فارغة
أيامها تمضي بسرعة هائلة
ما بيدنا نريد نعمل
ونحسن الوضع ونتفائل
لكن غيرنا أبد ما همه ...
خالي البر من الاحاسيس
نعم ما بيدنا
نريد ناكل لقمة عيشنا
ما نريد نكون شخص يائس تعيس
نخدم وطنا ... نعم
بالتفاني والعمل ...نعم
بالصبر والاجتهاد ... نعم
كله من اجل الوطن ...والنعم
لكن نحن بشر
حالنا من حال باقي البشر
لنا حق الراحة والسعادة
لنا حق الصلاة والعبادة
لنا حق العيش بعيد عن خط الفقر
ما غير شوي
ونصير فقراء نمد اليد
ونفرش على ابواب المساجد حِصر
والعين تبكي حزن ونصبح مشاهد وعبر
وين حقنا ... يا شعبنا
وين حقنا ...يا وطننا
وين حقنا ...يا سلطاننا
وين حقنا ...يا مجتمعنا
وين عمرنا ... غاب بملح البصر
ما تركنا لأولادنا شي غير الديون
لا راتب محترم يطلع لهم ولاهم يحزنون
ولا ارض صغيرة لهم تبقى سند عبر السنين
زدناهم في البلاوي بلية
لا نفع راتب ولا حتى دخول الجمعية
وتقول بتحل مشكلتي يالله قول
علامك ساخ فاتح فمك ومذهول
هات ما عندك وحت يا ابو الحلول
شكله انصدم ...
وصار ابكم
ولا عاد يتكلم
هذا اللي جاي يقول
ويش مشكلتك يا راعي الافرول
يعني لو كنت بمكاني
شو راح تقول
اتوقع انك من أول يوم تشتغل بالقطاع الخاص
على طول وسييدة إلى القبر مشلول!!
( حرف )
ولازلنا نتبع المشاكل ونتبعها على طول
ويش مشكلتك 5 قريبا ... ولن تطول !!
... من رجل !!
www.asheqalsamra.net