كل شي فيك
كل شيء فيك
(1)
كل شي في عيونك اختفى
وما بقى غير الرموش
كل شي فيك تلاشى وأنتهى
مثل تصاوير النقوش
ما عاد فيك شي حتى الوفى
صار بداخلك مغشوش
حتى عطرك ولونك وشكلك
وشوقك وقلبك وحضنك يا دفى
يا عشق عمري صارت كلها
رتوش في رتوش
كان كل شي فيك أشوفه أحبه
وأثر ترابك من لهفتي أضمه
ومن يدي أختفي
وما تبقى الا الخدوش
ما عاد أحسك إلا ظما
ونار تحرقني شظا
والجمر بالصدر أثر منقوش
( 2 )
كل شي فيك هش ويزول
لا بقى فيك ملامح وجه
صار وجهك باهت معزول
ولا مشاعر تحس بي
صارت أحاسيسك عذول
لو تقول ما تقول وتقول
لا حسيت فيك
وما حنيت لك
والمسافة تبعد بيننا وتطول
كل شي ما تمنيته بك يزول
غير أنه زال وأنتهى
وما بقى فيك شي .. ما بقى
ما بقى شي يخليني أحبك .. ما بقى
صرتِ أبعد من مساحات الحقول
وأصعب من لحظات العنا وتحول
بيني وبينك صار القرب مقتول
(3)
كل شي ما عرفته فيك
شي باهت ومطموس طمس
لا نور باقي فيك
ولا ظلٍ من شعاع الشمس
ولا حاضر أقدر اعيشه معك
ولا باكر في عيونك أشوفه
ولا شي من ماضي الأمس
(4)
كل شي فيك غاب
صرت حفنة من تراب
بعثرها غرور الكبرياء
والجسد ذاب
انصهر بين غش وخداع
وشخص كذاب
وترك بداخلي حرق
من هويت شهاب
كل شي فيك
ما عدت أعرفه
ولا تمنيت أكشفه
ليه أتعب وانت سراب
وليه اجري خلفك
وانت سحاب
كل مرة أعرفك اكثر وأكثر
صار سكركِ ملح وأكثر
وكان ملحك في دنياي سكر
ومداخل انفاس قلبك
سكرت الأبواب
كل شي في عيونك
أختفى .. وأختفى
وما بقي غير الرتوش
وهذه مزايا البضاعة
لا اشتروها من سوق بالمشاعر مغشوش !!
... من رجًل!!
www.asheqalsamra.net