البنطلون
البنطلون
لفيت راسي مرة يمين ومرة شمال والله تعبت
وين مالفيته شفتهن غزلان يلبسن هالبنطلون
ووين ما قفيت من مكان لمكان وين أنا ما رحت
شفته مخشوش بين العباية بتصميم غير لون
مدري هذه موضة ولا حرية ولا تصاريف وقـــــت
تخلينا على هالحال بجد شي يخزي العيـــون
ولا هذه مجرد تسلية بين البنات وتجزير وقـــت
قالن نجرب نغير ما كان في الماضي ويكــون
ملينا ستر العباية والشعر لا صار منفوش ارتحت
ملينا الحشمة والأدب والخجل منسي و مدفون
ملينا الدين والعفة وطاعة الوالدين بعد اتنست
وكل وحده قالت حره ومتطوره فديتني مزيــون
يا مرة احتشمي زين العباية قبلك غيرك استرت
وفعلا صانن شرفهن بكل اقتدار وفكر مــوزون
لا تظني بلبسك ومظهرك تكوني ونعم البنـــت
لا والله غير إنك وحدة تقلد اللي تشوفه بالتلفزيون
ما كذا التقليد ولا عمره يكون بالملي ولا السنت
اللي له الفايده نعمله وغيره نتركه لهم مركــــون
شوي شوي يا راسي تعال أنت من اللف ما تعـبت
لا والله ما جيت أريد اضحك لين ينفجر المصــرون
ها كم واحد شفت وكم واحد بالعدد حسـبت
ما قدرت احصي العدد فوق الف واكثر من المليـون
زين يا راسي أشوف العباية ملبوسة الحين ارتحــت
يا غبي لا تغرك مفتوحة نصين لجل نشوف البنطلون
دامها كذا اسمعي هالنصيحة وقلت ولا ما قلـت
ما يتغير شي وافضل تشيلي العباية وبلاها يكون !!
غالب الحبسي
www.asheqalsamra.net