أنا المغرور
أنا المغرور
مغرور بكم سيدي قابوس وبغروري فخور=مغرور بك يا عمان واسمحيلي على القصور
الشِعر أكتبه فيكم وصف وإحساسه يثور=والكلام اللي اقوله قصيدة أحسه بيت مكسور
مغرور بكم سيد عمان وعمان بكِ غرور =مغرور بكم سيدي وغروري أرض وسماء وبحور
مغرور بكم كل العمر أقولها أنا المغرور=التباهي عزة وفخر والثقة سيدي تهد الجسور
مغرور وغروري ما هو فراغ ولا خيال شعور = يشهد لكم الأعيان مصباحكم متوهج بالنور
غروري ما هو فلس ورصيد بالملايين وكسور =ولا أبد فشخرة وقلم ولا طاولة وكرسي يدور
ولا الدنيا بما فيها من لذة تغري الشعور=ولا التباهي الراهي المفرط ولا أسم مشهور
الدار في هالارض نشوفها قصر من القصور= والتعالي في أخلاقنا شي مرفوض مكسور
البساطة هي لبسنا والكرامة وِسم محفـور=ووين ما ارتحلت شفت اللي يسعد الصدور
وكل بقعة تزورها تحس بدفى وشعور=ووين ما قفيت ولفيت ما تشوف إلا ضحكة الثغور
الجنوب وكل ما فيها تخليك صدق مبهور =طريق السعادة تحفك والقصد شخص مسرور
يقتفي باقي المناطق وينثر من الود زهور =ويا حلو بحر الشرقية عبر قريات وقلهات وصور
والعامرة مسقط عامرة بالمباني والجسور= والظاهره بكرمها والبريمي ريح اسمها عطور
والنخوة الداخلية دارها رمز بالصيت منظور = تسعد بها الباطنة من اقصها لأقصها عبور
تحتفي بالأصالة مسندم والوسطى حضور =كل المناطق بصيتك سيدي تعلن هالغرور
الغرور سلطنة وسلطان نكتبهم رمز وسطور = والتاريخ ينطق بأسمهم على مرور العصور
مطلي بماي الذهب ويتزين باللؤلؤ المنثور =حضارة قديمة مغروسة بأرض التاريخ جذور
مغرور بكم سيدي قابوس وبغروري فخور =مغرور بك يا عمان واسمحيلي على القصور
مغرور بكم سيد عمان وعمان بكِ غرور = مغرور بكم سيدي وغروري أرض وسماء وبحور
غالب الحبسي
www.asheqalsamra.net