طعم العسل
طعم العسل
"نص لا يكتب إلا هكذا"
قالت : انت عمرك ماشفتني ..صح
وإن رأيتكِ .. هل تتوقعين أن اعيش الفرح
لا..
لكن شكلك راح تروح بح
إذا الحمدلله اني لازلت أعيش ..صح
لان الكل ميت بحبي
يعني احد اسباب الموت هذه الايام هو أنتِ
هممممم
يمكن صح .. لا تصدق امزح
قل لي
لو شفتني شو راح تعطيني هديه
ها..
بجد
لابد أن أعطيك هدية اكيد..
بعطيك احلى هدية
ما رأيك أسمعكِ صوتي
لا ما اريدها هذه الهدية
وأنا أظنها فرحت
صوتك ما هدية
صوتك قنبلة نووية
أعلم أنه اغلى من الهدية
هاهاهاهاهاها
يالله وينك
إن عجبتك صورتي تكتب لي قصيدة
قصيدة ما حيالله قصيدة
لا اجيك واضربك على راسك بالحديدة
أغمض عيونك ثواني
لا تفتح قلت لك ثواني
يا مستعجل واناني
(-_-)... (صورتها)
هذه انا
شو رايك
اي وحده تحديداً
شفتني
شو رايك
قول والله انك ماشفتها
يمكن مت بعد ما شفتها
الحين تقول لا تحلف
والحين تقول قول والله
عن الحسد
حلوة صورتي اعترف
وبماذا اعترف
أبي صورة قريبة فيها ملامح
تخليني اكتب واعيش اللحظه
تخليني احساس شاعر وسارح
لجل اعطي لك ذي حق حقه!!
والحين
اتصدق انك ماتستاهل اني احط لك صورتي
تستاهل محد يعبرك يالله بروح غرفتي
بكون عند وعدي وما بسمعك صوتي
إتصلي
أبي صورة تخليني خمس دقايق دايخ
ما اتكلم اريد اعيشها.. تصدق بايخ
وتخليني انسى اسمي غالب اقول عالب
اسمعني زين معاي خلك فطين لا تتلاعب
ما عندي .. ما عندي ما عندي
زين بكتبك اسمي
وتخليني مع الليل وحدي
ولو عندي ماراح تشوفها ما راح تشوفها
هايم فيك لوحدي
يا روح الوادي وروحي
يا همس الماضي وجروحي
يا عطر هالليل
وكلام الليل
وغزل هالليل
وصمت الليل والبوحِ
فيك الغزل شامه
والطول قامه
والدلع يشهد الله
أنه فيك ميزة وعلامه
ما بغيت اغازلك ليل
خفت الليل يغازلني معاك
ما بغيت ارسمك حيل
لاني في رسمك
صعب أتنفس هواك
تقول طالعني وتغزل
اقول اصبر على قلبي وتمهل
ترفق فيني
وانت يا عاشقي.......... لا تستهبل !!
صح لسانك
ااااااااااااه
نزفت شي
بس اكيد هاي مب لي ،
يمكن مكتوبه لغيري وقلتها تراضيني فيها
والله اني اكتبها لك على الهواء المباشر
واذا ما صحيح كلامي يضربني صاروخ مباشر
وما ادري شو كتبت لاني عشت فيك وشاعر
تسلم يمينك
اعرف اني شاطر .. زين بس لا تتشاطر
بس جد عشت فيك .. عيار
حسيتك روح رجعت لي
وكأني بروحين...كنت مغادر
روح الوادي وروحك
عجبني كلامك وكتاباتك
قلت لك لو بس اعيش فيك اكثر
كنت خليتك اميرتي
ولقهوتي اليومية السكر
لو اشم عطرك اكثر
واتنفس احساسك وباحساسي أعبر
ما اكتفي سطر هالكون فيني
..... وانا لاجلك اسطر وأسطر
لو بغيت هالمسافة تنتهي
قولي غالب
قلت غالب
لا تتغابى اكثر
وانا اكتب لك من احساسي مطر
يبلل شعرك وثغرك
والناعم على الدفى جسمك
واعبر... وأعبر
وتقولين لي اكتب اكثر
وتقولين بعد اكتب اكثر
يا غالب يا عشق ماضي ما زلت اتذكر واتذكر
يا غالب يا كل شي عشته ما تبخر
وتقولين اكتب اكثر
بس حطي يدك على صدري
غير انه صدري من نعومتها تبخر
وينه صدري
وينه
والله تبخر
صح لسانك يا غالب ،،،،،
بسئلك وتجاوب بصراحه ،
بعد هالسنين اتخيلت شكلي جذيه ،
وتخيلت انك ممكن تكتب لي شي ؟؟
أو يمكن شي ما يمكن مرة تلاقيه
لحظة أتعير !!
انت كل السنين
اللي عشتها معك
حاط صورتك قلب ابيض
وانا كتبت لك ايام شقاوتي
وانا مجنون وعالمي لا يعوض
ممكن اكتب لك واكثر يا دنيتي
صحيح
اكيد عيني
شو كنت كاتب لي ؟؟
بعدك محتفظ فيه
اعتقد اني حاطها في الموقع
اكيد موجوده وهي لك تسمع
لانها بالنسبه لي أغلى صورة
وعالمي البوم صور مع صورة
اذا ممكن لو متذكرها ترسلها لي ع الايميل
لكن دخيلك ترسلها قبل لا ينتهي هالليل
انا مسافر باكر
وهذه احلى هدية قبل السفر
اني اتكلم مع احلى قمر
وتكون أحلى لو اشوفك ثواني
ممكن اميرتي وتسمح
احبكِ بكل اوضاعك
وبكل فصول الحكاية
لا استحي
ما يختلف فصل عن فصلك
لانك لي اجمل روايه
لو ثواني
عشاني
ترتوي عيني من عيونك
وتنكتب بيننا أصدق حكاية
خليها بوقت ثاني
انا مسافر
والله شكلي نعسان والسفر باكر
زين قول لي
قلت لك انت احلى هدية قبل السفر
يا جميلة
الحين شفتها
خلني اشوفك دقايق لا اكثر
لا
على راحتك
ما اريد ازعجك بطلبي اكثر
ان رجعت
ويمكن ما ارجع
بترجع بالسلامه
ما عرفتِ
ان العسل لا سكب على الشفاة العطشا حرقها
وما دريتي ان العسل للبلا اصدق علاج
كيف عاد لو كنت انت العسل ومن العسل اشهى
تقدري تخفين عني حقيقة هالعلاج
وأنه حلاك بمشاعري بنيران الوله لسعها
خافي علي تكفين لا يصيبني ارتاجاج
اخاف عليك من الحارق
هو لي دوا
كثر العسل يجيب لك حارق
وكثر العسل يبلل هالشفاة
ويزيدك عطش تبي تشرب مياه
وما يزيد العطش الا لو شعرت بالجفا
وانت العسل في شفتي اشربه وفا
اخافك تدمن عليه
لا تخافي
وقت ما قلت ادمنك ..اقتليني
محلل قلتي لك
لاني شربت كثير من حلاك..واستاهل تعاقبني
محلل قتلي
اكسبي الوقت وخليني ارتوي منك عسل ولظى
واشتهي فيك احساس الشفاة ولذة الهوى
لو مر جسمك من امامي اشتعل فيني اللقا
وقلت الف مرة آآآآآآآآآآآآآآآآآآآآآآآه وبعدها قلت يا حلو من فات .. يا غلا
يا حلووو كلامك
ما حلو كلامي
غير ان الحلا منك ينسكب
وكيف ينسكب هالحلا خساره
لازم ينكتب
انتظر ويا صعب انتظر وانتظر
بس امانة لو ما شفتك قولي تمنى يشرب عسل
لكن ما هان العسل يبلل ذيك الشفاة
وداعا .. طعم العسل ..
(قد تعود صاحبة النص لنكملة ..
ولا اعلم قد ارحل قبلها ..
ولن تعرف ..
لكن ستشعر حينها بقيمة العسل !!)
... من رجُل!!
www.asheqalsamra.net