آسيا العروس(اخر العنقود)
آسيا العروس
يا ناس أعذروني لو قلت هالقصيدة في الغالية أختي
تراها بالنسبة لنا وما غيرها هي آسيا أخر العنقــود
يا ناس لو قلت عنها شعور سعادتي ما وفيت كلمتي
أشوفها بنتي واختي وخالتي وعمتي وجدي العــــود
يا ناس تصدقوني لو قلت والله أني الحين كاتم دمعتي
ولا تراني مثل الطفل ببكي ولو تشوفوني شايب(ن)عود
تكفون خلوني أوصف لكم هالعروسة في أبيات قصيدتي
بعض التعابير ما يقدر لها الشاعر لو كان بينكم موجود
الألف أقولها وقلبي كثير يحبها وعيني تشوفها حلوتي
ويدي تمسكها غصن ناعم وعطرها من أغلى الورود
والسين سنيورة في مشيتها وأشوفها بوجهي ضحكتي
وعيونها ترسم للأمل عالم من الأماني وسماء وحدود
والياء يقولوا عنها الدلوعة وانا أقول والله هي دلوعتي
واكثر من كذا الدلع من دونها سلعة بايرة مالها مردود
والالف أشوفها مزيونة ويوسف يقول محلاها عروستي
يغار منها القمر وتقول وينك يوسف يرد يالغلا موجود
والهمزة همزة وصل أكتب فيها أبيات من صدر قافيتي
لأجمل عروسة وأهديها من القلب باقات حب وورود
يا رب نسألك تحفظ عروستنا وأمها وأخواتي وأخوتي
وعلى مدار العمر نبقى أخوة من القلب يارب يا معبود
يا ناس أعذروني لو قلت هالقصيدة في الغالية أختي
تراها بالنسبة لنا ما غيرها هي آسيا أخر العنقود
غالب الحبسي
www.asheqalsamra.net