غصة حنين
غصة حنين
الحنين أبلعه مع كل غصة تجيني
وأقول الله يهنيها مع قادم الأيام
تطمني رجال ما راح تبكيك عيني
مات أبوي وما بكيته والدنيا مرام
بلحظة تذكرتك وبنساك وبتنسيني
وتعيشي معه عيشة تاليها حب وئام
الحنين بطعمه مر وترفضه سنيني
وما يقدر على السنين غير توالي الايام
الحنين نزف يسيل وصراخه حنيني
والتعود مقدور عليه يا بنت الاكرام
الحنين لحظة تعبّر عن كل ما فيني
والشعِر طبيبها يداويها بكل إهتمام
الحنين اكثر من أني اقوله يحتويني
يكدس على صدري قنابل والغـــــام
وإذا على الغصة ببلعها علها تكويني
تمزق باقي الجسد وتنهش بالعظام
بعد كل هذا مدري والله ويش فيني
إحسك شي مفروغ منه وماله اهتمام
قلت بسلي نفسي واكتب حروف تجيني
ما هي قصيدة ولا هي نثر خربشة اقلام
اللي مثلك يقال لها (خائنة لأنك خنتيني)
أحفظي ما بين القوسين تمام التمـــام
الحنين أبلعه مع كل غصة عنك تجيني
وأقول الله لا يهنيها أبد مع قادم الأيــام
غالب الحبسي
www.asheqalsamra.net