سحابة قلبك
سحابة قلبك
يا عونه وذيك سحابة قلبك الماطرة
تبلل جفاف القلب من سهم غرامك
أطعني فيه واغسليه دامنك مهاجرة
ودام للغير تنزل قطرات من مطــــــرك
هو دايم يرتجي منك سحبك العابرة
تبلل عروق قلبه اللي ماعشق مثلك
تروي ظماه لا غاب طيفك عن آخره
يبقى إحساسه ينادي إحساسك
ولا صدى لردك من المشاعر بخاطره
إلا لو يشوفك قدام عينه ويلمسك
ما غير يبقى بالظلام ودموعه حائرة
توسم الخد ويحرق وجنته بعــــــدك
وفي هجير الليل يناديك يا مسافرة
ينقش على جدار المسافة قصتــك
يكتبها لجلك وعنوانها كلك يا آسره
فلا تنادي البعد وهذا كان هدفـــــك
وتتركي جفاف القلب يزحف للذاكرة
مصاب العشق محسوب مريض لأنك
سحابة من ظيم وعطش نارها ثائرة
تحرق ما تبقى من الوفا اللي يودك
وتحرق وطن ناداك وقتها يا مهاجرة
وتحرق لهيب الشوق اللي يحبك
تناثري في صحراه غيم دامك قادرة
وازهري وردة لجل بستانه يضم وردك
يا عونه وذيك سحابة قلبك الماطرة
خلها تبلل جفاف القلب بسحابك !!
غالب الحبسي
www.asheqalsamra.net