بنات العروبة
بنات العروبة
كم باقي من بنات العروبة يا سادة وتمــوت
نَعْشهَن جاهز وحن يا عروبتنا من يدفنـــه
وكم باقي وكل يوم وحدة بعد وحدة تموت
ما غير ننتظر موتها وتابوتها نحن نحملـــــه
وكم من بنات العروبة ضمهن بالظلام تابوت
وكل بنت تقتل أختها تحرم دمها ولها تحلله
الباقيات منهن عد الأصابع وما زلنا سكـوت
البقى براسكم يا عرب العروبة من هذه المهزلـة
أخواتهن الباقيات مالهن حسٍ ولا لهن صوت
مثل الجماد وصفهن أبسط شي لهن نوصفه
أصواتنا غصت في أعماقنا وصراخنا مكبـوت
ولي على الكراسي ماله إعتبار أبد ولا له صلـه
يا سادتي المهزلة أكبر من الإحساس والموت
والميت لا صحى من موته يرد تالي يقتلــــه
ولِدنا وكبرنا وعشنا ومتنا وبُعثنا وفاتنا الفوت
وعلى حالها العروبة وردها صغيرة هالمشكلـة
يا سادتي وينها عروبتنا وينها ملينا السكوت
ما عاد لها رجعة دام تخوفنا شظايا قنبلـة
تاج العزة لو طاح ما يرجع القمة بالسكوت
ولاهيبت عروبتنا ترجع ودمنا صرنا نشربــه
نقول الشهيد كيف!! وكلنا من نفس البيوت
الشهيد من يقاتل ويَقتُل غير دمه ولحمـه
نذبح الاطفال ذبح الله على هالجهل الممقوت
والله على عقول ضميرها ميت كيف يتحمله
أبد محنا بشر غير إننا أسماك قرش وحوت
تفترس وتقتل نوعها ولونها وفي بحرها تغرقه
أي دين اللي خلانا من أبشع الصور والصوت
الله ربنا ومحمد رسولنا وهذا ديننا ونعرفــــه
نعرفه (نعم)لكن نعيشه(لا)وهذا بممقوت
نعرفه (نعم)لكن نعمل فيه(لا)أو نحاول نطبقه
في فلسطين بدت أول المهازل وأخواتها سكوت
بين رقص وفرح وإحتفال ومهرجان ما أجمله
أربعين عام وأكثر وأخواتها يلبسن زمرد وياقوت
وهي تلبس السواد طرحة ولياليها طويلة مظلمـة
جينا على الكنانة رمز ما أبداً من عروبتنا يموت
واخواتها على شاشة الخنزيرة وبسرعة تنشره
فينا الخبيث من الطبع والتطبع للاسف طاغوت
يدهي النفس للغدر لجل يتآمر على أخوه ويقتله
جينا للعروبة نطلب منها الميثاق واعلنت السكوت
ما أعطي الميثاق إلا لمن يخشى الله ويخافه ويعبده
غالب الحبسي
www.asheqalsamra.net