فوزية ومحسن
فوزية ومحسن
يا مساء الفرح والافراح بدارك محمد
دار بالكرم والجود وصيتك المعهود
نبع طيبك بين الملا ما يشبه أبد أحد
يشار له بالبنان وانت دايم المقصود
والحلا منك وفيك فاطمة دامك أم هالورد
فوزية عروستنا ومحسن بها الموعود
يختال حسنها وما مرة نشوفها الا ورد
تتربع بالدلال وكنه الخجل لها بس مولود
هامة بالكِبر والتباهي والهيبة مالها ند
تكسر جموع المزايين مميزة بين الورود
حلاها وغلاها يسكن الخافق والجسد
غالية عروستنا وبكل القلوب لها وجود
من فرحته محسن مايبي يشاركه أحد
لأن فوزية معه ومايبي غيرها في الوجود
زانت الأماكن بالبهاء والأصوات بالسعد
لليلةٍ من ليالي الزمان بلحظات السعود
لعيون معاريسنا فوزية ومحسن وبعد
نزفهم الليلة بالرقص والأغاني وطرب العود
لهم نهل الاماني والتهاني بالمشاعر وجد
ونطلب لهم السعادة وما يفرقهم حسود
يا مساء الفرح والافراح بدارك محمد
دار بالكرم والجود وصيتك المعهود
غالب الحبسي
www.asheqalsamra.net