كفي واصابعي الخمسة
كفي مع اصابعي الخمسة
يشوفونك طفل وانا اشوفك غير
ماغير إنك طفل بقلبي يا طالب
يهنوك اليوم وانا تهنئتي عبير
مديد العمر ياعمري والعمر طالب
يرقصو معك وانا رقصي طير
على كف السما يرفرف سحايب
يشوفونك حلو وانت أحلى أمير
توقف لك بنات الحي وهن حبايب
__
من دواعي قلبي والرب لك حارس
دايم يحرسك بعيونه يا لؤي الفارس
من شعوري لو اكتبه قصيدة للفارس
تهتز خيول الشعر وانت لها فارس
__
تكفون هنوها تراها مثل النجم عالية
يا اهلي وخلاني تستاهل بنتنا الغالية
تستاهل الحب كله وهي بالدم سارية
يخفق لها القلب وفي القلب الغالية
__
على صغرها بس شيطونه
حلوة كثير وربي مزيونه
اسمها دانية والدلع دندونه
ربي يخليها هالحلوة الصغنونة
___
يا الحضور اعذروني على الازعاج
ما ودنا نزعجكم ولابد ما تستاهل
بنتنا والاكيد ماغيرها بكرنا ميراج
في وصفها نختصر ونقول للواصل
هذه مداها ضي ومدى نورها سراج
ودنا اكثر نقول لكن فاصل ونواصل
___
ذكرتهم على مدار الايام نبض وحس
صغيرهم اميرهم طالب ولؤي الفارس
والغالية وسطهم ودانية صفاء النفس
وكبراهم ميراج وامهم والله لهم حارس
ذكرتهم وهم بالكف اصابعي الخمس
يارب تحميهم من شر وكيد الوساوس
غالب الحبسي
www.asheqalsamra.net