أبعدو عني
أبعدو عني
ينهد فيني الزمن ويكسرني كسر
وفي بحر العذاب اصيح غرقان
انا طفلة كساني شيب العمر
انزويت في ركن الأحلام دخان
لما صفالي لون السماء والمطر
ظنيت ارضي تنبت الزهر ألوان
كم من سنيني وضحكتي تنكسر
حتى شفاتي من الجفاف تبان
حد خان وحد وعد وحد منكسر
وحد بين الكذب والصدق شتان
ذنبي رميت قلبي لحضنٍ مندثر
كان العشم هذا الصدر هو الأمان
وماهبت هبوب الظهر الا والعصر
قال المفارق " ابعدو عني " جبان
كذا تخالف الوعد يا أغلى البشر
كذا تشوف الحب وانت انسان
كذا تترك قلبٍ يتيم شافك قدر
كذا تستبيح الذبح قبل الاذان
كذا تقتلني أنا برمية الحجر
لكن واجب القاتل يدفن الجثمان
عزاي ماني طفلة بعمر الشهر
الا من انت رحلت وقت العزا حان
اقل مايفعله واحدٍ مثلك بشر
قبل الفراق يطلب الاستئذان
انهد فيني وكل شي انكسر
وقت ماقلت " ابعدو عني" مثل العنوان
#غالب_الحبسي